Бүгүн Египеттин борбору Каирдеги демонстрацияга антиамерикалык жана антиизраилдик плакаттарды көтөргөн 12 миңден ашуун студент катышты. Палестинада тынчтык жүрүшүнө 1000дей адам чыкты. Алардын колдорунда Ирактын желектери менен президент Саддам Хусейндин портреттери бар эле. Индиянын Кашмир штатында болсо демонстранттар полиция менен кагылышты.Нааразылык акциялары Индонезияда, Германияда, Таиландда, Пакистанда, Бангладеште, Ооганстанда да болду. Иранда согушка каршы жалпы улуттук демонстрация алдыдагы жума күнү өтөөрү күтүлүүдө.
