Бириккен Улуттардын Коопсуздук Кеңеши 28-март күнү кечинде атайын резолюция кабыл алып, "Мунай үчүн азык-түлүк" аттуу программаны кайрадан жандандырып, Иракка гуманитардык жардам көрсөтүүнү чечти. Орусия менен Сириянын өкүлдөрүнүн айтымында, бул резолюция АКШ жана Улуу Британия тарабынан Иракка каршы башталган согушту эч кандай түрдө актабайт. Андан тышкары резолюцияда эгер Иракты өз көзөмөл алдына Америка Кошмо Штаттары менен Улуу Британия алса, согуштун кесепеттери үчүн дагы жоопкерчиликти АКШ менен Британия тартууга тийиш делет.
