Түштүк Кореянын Улуттук коопсуздук боюнча кеңешчиси На Чхон Иль Москвага эртең келет. Ал адегенде Орусиянын , андан соң Кытайдын бийликтери менен Түндүк Кореянын өзөктүк куралдар программасына байланышкан маселелерди талкууламачы. Пхеньян өзүнүн өзөктүк куралдар программасын токтотуу жөнүндөгү чакырыктарды четке кагып, эл аралык ортомчулардын сунуштарын да кабыл албай,АКШ менен түз сүйлөшүүнү талап кылып жатат. Кечээ Түндүк Корея Ирактын тагдырына туш болбош үчүн өлкөгө эл аралык инспекторлорду киргизбей турганын эскертти.
