Британдык аскерлердин булуңдагы контингентинин колбашчысы, авиациянын маршалы Брайн Бюрридже ушундай деп билдирди. Басрадагы жагдайга токтолуп, маршалл британ контингенти шаарды камалап тургандыгын, бирок али оккупациялап ала электигин ырастады. Cи-Эн-Эн телеканалынын кабарларында америкалык үч журналист жана даниялык фотокабарчы бошотулгандыгы айтылууда. Аларды мындан бир апта мурда ирак бийликтери Багдаддагы мейманканадан кармап кетишкен эле. Ал эми ирак телевидениеси президент Саддам Хусейн бүгүн саясий жана аскерий төбөлдөрү, алардын ичинде эки уулу менен кеңешме өткөргөндүгүн кабарлады.Бирок муну тастыктаган кадрлар көрсөтүлгөн жок.
