Бириккен Улуттар уюмунун агенттиги Ооганстанда мина тазалоо иштерин убактылуу токтотту

Уюмдун маалымат кызматы билдиргендей, Кабулдан Кандагарга баруучу жолду минадан арылтуу иштери уюмдун мина тазалоочуларына кол салуудан кийин токтотулуп жатат. Апта башында куралчандар үч адиске Кандагарга баратканда кол салышып, экөөнү атып өлтүрүшкөн, үчүнчүсү оор жаракат алды.
Азырынча мина тазалоочулар тынчыраак аймактарда иштеп, Кабул-Кандагар жолуна өкмөт алардын коопсуздугун кепилдей алганда кайтып келишмекчи.