КАРАКОЛ. Аукцион 4 багытта жүргүзүлөт. Маселен, жеке менчик үй куруучулар үчүн бул райондун Долинка, Бозтери айылдарынан 10 сотыхтан, Чолпоната шаарынан 4 сотыхтан жер сатылат. Ошондой эле Чоңсарыой айылынан юридикалык тараптарга элиталык үйлөрдү куруш үчүн 35 гектар участок сатылат. Бул аукционго республиканын жана чет өлкөлөрдүн байлары катышуу укугуна ээ болушат. Ысыккөлдүн жээгиндеги туристик база, пансионат жана башка эс алуу жайларын курууну көздөгөн Кыргызстандын жана чет өлкөлөрдүн жарандарына 3 гектардан 5 гектарга чейин жер участоктору аукционго коюлат.
