БИШКЕК. 30-31-майда Санкт-Петербург шаарынын 300 жылдыгы белгиленет. Анын мааракесине Кыргызстандан президент Аскар Акаев баштаган делегация катышат. Бул тууралуу бүгүн Тышкы иштер министрлигинин КМШ башкармалыгынын башчысы Эркин Мамкулов билдирди. Ал эми бүрсүгүнү Бишкекте Токтогул Сатылганов атындагы филармонияда Санкт-Петербург шаарынын 300 жылдык мааракесине карата иш-чаралар өткөрүлөт. Ага ушул шаардагы жогорку окуу жайларын аяктаган кыргызстандыктар катышат.
