Европа Биримдигине кирген өлкөлөр менен Жер ортолук деңизге чыккан мамлекеттердин тышкы иштер министрлери 27-май күнү Грекиянын Крит аралында террорчулукка каршы күрөшүү маселелерин талкуулап бүттү. Эки күнгө уланган жолугушууда министрлер Жакынкы Чыгыштагы абалды жана анда тынчтык орнотуу боюнча жаңы планды да талкуулады. Жыйында Европа Биримдигиндеги тышкы саясат жана коопсуздук үчүн жооп берген Хавье Солана чыгып сүйлөдү.
