Кечээ Дүйнөлүк саламаттыкты сактоо уюму өнөгөсүз өпкө оорусуна байланыштуу чет өлкөлүктөргө Пекинге барбай туруу жөнүндө мурда берген эскертүүсүн жокко чыгарган эле. Кытайлык гезиттердин бүгүнкү сандары мындай чечимди кубаттаган башсөздөр менен чыкты. Көңүл ачуучу жайлар, интернет – кафелер, туристтик атракциондор кайрадан ачылды. Өнөгөсүз өпкө дартынан Кытайда каза тапкан 347, илдетти жуктуруп алган 5000дей адамдын жарымы Пекиндин тургундары болчу.
