БИШКЕК. Европа Биримдигинин кызматташтык кеңешинин 22-июлда Брюссель шаарында өткөн бешинчи отурумунда Кыргызстан менен Европа Биримдигинин саясий, соода-экономикалык жана маданий кызматташтыгынын иш-пландары бекитилди. Бул тууралуу маалыматты жыйынга катышкан биринчи вице-премьер-министр Курманбек Осмонов бүгүн «Азаттыкка» билдирди. Отурумдун күн тартибине Кыргызстанда демократиянын өнүгүшүнө, адам укуктарынын жана сөз эркиндигинин сакталышына байланыштуу маселелер да кирген. Брюсселдеги жыйында бул маселелер боюнча Курманбек Осмонов доклад жасады.
