БИШКЕК. Бүгүн Бишкекте маалымат каражаттарынын биринчи республикалык конференциясы өз ишин баштады. Аны өткөрүүгө «Интерньюс», ЮСАИД, «Фриидом Хаус», АКШ элчилиги, «Сорос-Кыргызстан», президенттин басма сөз кызматы өңдүү тараптар колдоо көрсөтүүдө. Бул конференциянын алгачкы күнүндө маалыматтын орду, журналисттердин этикасы, Кыргызстандагы маалымат каражаттары жана донорлор өңдүү маселелер талкууланды. Талкууга өлкөдөгү бардык жергиликтүү жана чет өлкөлүк маалымат каражаттарынын өкүлдөрү чакырылды.
