БИШКЕК. Быйылкы жылдын алты айында өлкөнүн электр жарыгын бөлуштүрүүчү 4 компания «Электр станциялары» акционердик коомуна 1 миллиард 631 миллион сомго карыз болду. Бул туралуу 8-августта «Электр станциялары» акционердик коомунан билдиришти. Алардын айтымында, кыш мезгилине карата даярдык көрүү үчүн техникалык жабдыктарды жана электр станцияларын оңдоп-түзөө иштери жүргүзүлөт. Бишкектеги борбордук электр жылуулугун берүүчү станцияны отун менен камсыз кылуу аракети каражаттын тартыштыгынан ишке ашпай калуу коркунучунда. «Электр станциялары» акционердик коому карыздарды өндүрүү үчүн Ош жана Баткен областтарында «Ошэлектро» акционердик коомуна 11-августтан баштап электр жарыгын берүүнү чектейт.
