БИШКЕК. 23-августта Аксы райондук борбору Кербенде элдик курултай өтөт. Жума күнү Кербенден «Азаттыка» кабарлашкандай, жер-жерлерден делегаттар келе башташты. Бүгүн Кербенде Аксы окуяларында жабыр тарткандарды жана Азимбек Бекназаровду коргоо комитетинин имаратында курултай делегаттарын каттоо башталды. Элдик жыйынга өлкөнүн бардык облустарынан делегаттардын катышуусу күтүлүүдө. Курултай кайсы имаратта өтөөрү 23-августта гана белгилүү болот.
