Чечен адаватчылары дагы 6 россиялык жоокерди катардан чыгарды

Москвачыл чечен өкмөтүнүн өкүлүнүн маалымдашынча, акыркы 24 саатта чечен эрегишчилери россиялык алты жоокерди катардан чыгарып, 21 жоокерди жарадар кылышкан.
Атын атабоону өтүнгөн ырасмий адамдын билдиришинче россиялык аскерий учактар Ведено районун түштүгүндө козголоңчулардын шектүү көрүнгөн өңүттөрүнө бомба урушкан. Ал эми Урус-Мартан, Ведено, Итум-Кале жана Шали райондорунда жикчилердин өңүттөрү артиллериялык куралдардан аткыланган. Ушул эле булактын маалымдашынча, федералдык аскерлер кечээ күнкү жортуул учурунда 120 адамды кармап кеткен.