Эки күндөн кийин өтчү шайлоодо Бишкектин шаар башчылыгына ким көрсөтүлөрү али белгисиз.

Шаардык Кеңеш жаңы мэр шайлана турган кезексиз сессиясына кызуу даярданып жатканы менен коомчулук арасында Бишкектин жаңы башчысы ким болору тууралуу маалымат, талкуу жокко эсе. Башкалаадагы 1-май районунун акими Т.Шайлиева Шаардык кеңештин сессиясында кыргыз президентинин администрация башчысы М.Ашыркулов азыркы мэр менен "дагы бирөөнү" көргөзөөрүн уктук десе, "Ар намыстын" өкүлү Э.Алиев Бишкектин жетекчисин шаардыктар шайласа болмок, бирок бир ирет андай өнөктүктөн (Москвага кетип калган экс-мэр Б.Силаевден улам) көңүлү кайткан бийлик эми өзүнө ыңгайлуу жолду тандап алды деген пикирин айтат.


Таңкы жаңылыктар түрмөгүн даярдаган - Венера Сагындык кызы, Прага.