БИШКЕК. Кыргыз өкмөтү өзүнүн 1996-жылдын 12-августунда кабыл алган токтомуна өзгөртүүлөрдү жана толуктоолорду киргизди. Ага ылайык айыл чарба продукциясын өндүрүүчүлөр өндүргөн продукциясынын наркы 500 миң сомго жеткенден кийин гана кошмо нарк салыгын төлөй турган болушту. Мурдагы токтомдо кошмо нарк салыгын төлөө милдети продукциясынын наркы 300 миң сомдук чектен ашкандарга жүктөлүп келген. Бул тууралуу бүгүн өкмөттүн басма сөз кызматы кабарлады.
