Кызыл чырым жана кызыл жарым ай уюмунун басма сөз катчысы Нада Думанинин айтымында, уюмдун кызматкерлерин Ирактан чыгарып кетүү тууралуу чечим кабыл алына элек: "Биз азырынча чечим кабыл ала элекпиз, менин оюмча, ал үчүн убакыт талаптуу. Бул өтө оор маселе жана аны бардык тараптан карап чыгуу керек. Бирок азырынча кызматкерлерди өлкөдөн чыгарып кетүү тууралуу сөз боло элек". Кечээ күнү Иракта бир нече жардыруу уюштурулуп, алардан 34 адам курман болуп, дагы эки жүзгө жакын киши жараат алган. Бир нече полиция түйүнү жана Кызыл чырым уюмунун кеңсеси жардырылган.
