ОШ. Элүүдөн ашуун бейөкмөт уюмдардын, коомдук фонддордун өкүлдөрү жана Жогорку Кеңештин депутаттары Ишенбай Кадырбеков, Токтокан Боромбаева, «Республика» гезитинин башкы редактору Замира Сыдыкова катышкан «Биз дүйнөнү өзгөртөбүз» аттуу семинар ишембиде ишин баштады. Башкы максаты - демократияны өнүктүрүү үчүн калктын жалпы катмарына саясий ресурстарга жол ачуу, атуулдардын саясий, экономикалык жана социалдык укугуна баа берүү. Семинарда өлкөнүн башкаруу системасын реформалоо үчүн алынган 20 млн. доллар кредитти пайдаланууга атуулдардын мониторинг жүргүзүү аркылуу катышуу жолдору да аныкталмакчы.
