АКШ Иранды МАГАТЭ менен кызматташууга чакырды

АКШнын Мамлекеттик депертаменти Иранды Атомдук энергия боюнча эл аралык агенттик - МАГАТЭ менен тыгыз кызматташууга чакырды.
Мамлекеттик депертаменттин өкүлү Адам Эрели Ирандын баш көсөмү Аятолла Хаменеинин, “ балким МАГАТЭ менен кызматташуу токтотулушу мүмкүн” деген билдирүүсү “кооптондурат” деп маалымдады.
Дүйшөмбүдө Ирандын Коопсуздук кеңешинин башчысы Хасан Ровхани Маскөөгө барчуу иш сапарын токтотту. Ал Орусиянын атайын өкүлдөрү менен Ирандын өзөктүк программасынын алкагында сүйлөшүүлөрдү жүргүзмөк.