Вашингтонго сапарлап барган ооган министри Абдулла АКШнын мамлекеттик катчысы Колин Пауэлл менен жолугушту. Анын соңунда ал Пакистан өлкөнүн түндүк-батыш тарабындагы талиб аскерлеринин калдыктарына каршы чечкиндүү аракет көрүшү керек деп белгиледи. Абдулланын айтымында, Пауэлл менен сүйлөшүү учурунда Ооганстандагы НАТО жетектеген коопсуздук күчтөрүнө дагы башка өлкөлөрдүн аскерлерин тартуу, апийим өндүрүшү, өлкөнү калыбына келтирүү иштери туурасында сөз болду. Жума күнү Ооганстандын чыгышында америкалык атайын бөлүктүн бир аскери машинеде баратып, бомбага жарылып өлгөнү маалымдалды.
