БИШКЕК. Жогорку Кеңештин Мыйзам чыгаруу жыйыны дүйшөмбү күнү «Мамлекеттик тил жөнүндө» жаңы мыйзамдын долбоорун талкуулоого киришет. Палатанын сынына депутат Бектур Асанов даярдаган жана президент Аскар Акаевдин демилгеси менен даярдалган мыйзам долбоорлору коюлат. Талкууга Мамлекеттик катчы Осмонакун Ибраимов баштаган жетекчилердин катышуусу күтүлүүдө. «Мамлекеттик тил» жөнүндө мыйзам 1989-жылы кабыл алынган.
