ОШ. Акбосого-Ош маршруту боюнча жүргүнчүлөрдү ташып келаткан КАВЗ үлгүсүндөгү автобус эртең менен Үчтөбө кыштагынан алыс эмес жерде ала салып кеткен. Автокырсыктан бир адам каза таап, 12 адам оор жарадар болгону кабарланууда. Жарадарлардын баары Сопукоргон кыштагындагы айылдык ооруканага жаткырылып, аларга медициналык жардам көрсөтүлүп жатат. Азыр автокырсыктын себептери да аныкталууда. Эң биринчи себеп - жолдун тайгактыгы экени башынан эле айтылып жатат.
