Коопсуздук камсыз кылынмайынча өлкөдөгү иштерди улантуу мүмкүн эместигин эскертип, ООНдун атайын өкүлү Лахдар Брахими ооган жериндеги эл аралык бейпилдик контингентин көбөйтүүгө чакырды. Бул учурда Кабулда кечээ күнгө пландалган Лойа Жырганын иши башталбай калды. Жалпы элдик форумдун беш жүз делегаты толугу менен жыйынга келе элек. Лойа Жырга Ооганстандын жаңы конституциясын кабыл алууга тийиш.
