НАРЫН. «Кыргызстандын жаш юристтери» коомдук бирикмесинин Нарындагы бөлүмү декабрдан баштап облустагы убактылуу кармоо жайларындагы адам укуктарынын сакталышына байкоо жүргүзө баштайт. Мындай маалыматты аталган коомдук бирикменин өкүлдөрү 22-декабрда өткөн «тегерек үстөлдө» билдирди. Долбоордун максаты - облустагы беш райондун ички иштер бөлүмдөрүнүн убактылуу кармоочу жайларындагы адам укуктарынын абалы менен коомчулукту тааныштырып, байкоонун жыйынтыгы боюнча тиешелүү уюмдарга билдирүү жасоо. Долбоор Американын эларалык өнүктүрүү агенттигинин жана «Фридом Хауз» уюмунун колдоосу менен 7 айда ишке ашат.
