БАТКЕН. Радиону уюштурган «Бешнайман» коомдук бирикмесинин мүчөсү Перизат Суранованын 23-декабрда билдиргенине караганда, радио FM 101-9 жыштыгында күн сайын жети саат бою - кечки бештен түнкү он экиге дейре эфирге чыга баштады. Жаштарга багытталган радиодо азырынча күнүнө бир жолу орус жана кыргыз тилдеринде жаңылыктар берилип, эфирдин калган бөлүгүн музыка ээлөөдө. Уктуруу алкагы шаардан сырткары 15 чакырым аралыкты камтыйт. Жаңы жылдан тарта радионун уктуруу алкагын кеңейтүү жана эфир убактысын күнүнө 15 саатка чейин жеткирүү аракети көрүлмөкчү.
