Британияда каныке Дайананын өлүмүн ырасмий түрдө териштирүү башталды

Британ каныкеси Дайана жана анын досу Доди Ал-Файед 1997-жылы Парижде автокырсыктан каза болушкан эле. Франциялык бийликтер окуянын чоо-жайын териштирип, кырсыкка шофер себепчи болгон деп бүтүм жасашкан. Бирок мындай тыянак коомчулукту, айрыкча каныкени атайын уюштурулган кутумчулуктун
курмандыгы болду деп эсептегендерди ишендирген эмес. Дайана каза болордон мурда мураскер ханзаада Чарльз менен ажырашып кеткен эле.