БИШКЕК. Кыргызстанда Ыйса пайгамбардын туулган күнү бир нече жылдан бери майрам катары белгиленип келатат. Бүгүн Кыргызстандын президенти Аскар Акаев өлкө христиандарын диний майрамы менен куттуктады. Анда Кыргызстан көп конфессиялуу мамлекет экендиги белгиленип, ислам, христиан жана будда диндеринин өз ара байланышы коомдогу сабырдуулукту, жакыр менен жалчыларга кайрымдуулукту күчөтүп, жер жүзүндө тынчтык менен бейпилдикти сактоого өбөлгө түзөөрү айтылды.
