БИШКЕК. “Конституциялык Соттун судьясы Марат Кайыповду сабап кетүү фактысы боюнча эч кандай саясий буюртма жок», - деп билдирди Бишкек шаардык ички иштер башкармалыгынын жетекчиси, генерал-майор Кеңешбек Дүйшөбаев. Анын айтуусунда, Марат Кайыповду сабап кеткен белгисиз адамдар - күтүүсүз кол салып, уурдап-тоноого барган, үч-төрт кишиден турган кылмыштуу топ. Аларды издөө иши уланууда. “Ал эми Коопсуздук кеңешинин катчысы Мисир Ашыркуловдун өмүрүнө коркунуч келтирген былтыркы кылмыш иши тууралуу тергөө аяктап калды, жакын арада ал иш сотко берилет”, - деди Кеңешбек Дүйшөбаев.
