БИШКЕК. «Кумтөр» ишканасы Ош-Бишкек автожолундагы кар көчкүндөн жабыр тарткан атуулдардын үй-бүлөсүнө жардам катары 100 миң сом акча бөлдү. Бул тууралуу бүгүн «Кумтөр» ишканасынын Бишкектеги өкүлчүлүгүнөн маалымдашты. Ал эми Экология жана өзгөчө кырдаалдар министрлигинин кабарлоосуна караганда, кар көчкүдөн жабылган Ош-Бишкек автожолу кечээ ачылып, автоунаалардын каттоосуна уруксат берилди. 17-февралда Ош-Бишкек автожолунунун 224-220 чакырымында кар көчкү жүрүп, андан төрт адам каза болуп, жети адам жаракат алган.
