Россия, Түштүк Корея жана Кытай Пхеньянга өзүнүн атомдук программаларын токтотсо отун-энергетика тармагында көмөк көрсөтүүнү сунуш кылышты. Ал эми Кошмо Штаттары менен Япония болсо Пхеньян эч кандай шарт койбостон туруп бардык аскери программаларын токтотууга тийиш деп эсептешет. Кытайдын тышкы иштер министрлигинин өкүлү Лю Цзянчао сүйлөшүүгө катышып жаткан тараптар арасында пикир келишпестиктер бар экенин айтып, дал ушул себептен улам сүйлөшүүлөрдү улантуу зарылдыгын белгиледи.
