БИШКЕК. Бишкектин мэриясы башкарууну жакшыртуу жана бири-бирин кайталаган функцияларды жоюу үчүн токтом кабыл алып, муниципалдык менчикти пайдалануу боюнча көзөмөлдү күчөттү. Ага ылайык Бишкектин аймагында турак-жай куруу үчүн жер бөлүү укугу муниципалдык менчикти башкаруу комитетине берилди. Мындай токтом кабыл алууга борбордун аймагында үй курууга жер берүүдөгү башаламандык жана архитектура башкармалыгы менен район акимчиликтеринин бирдиктүү иш алып барбагандыгы себеп болду.
