БИШКЕК. АКШнын Кыргызстандагы элчилиги Каржы министрлигинин кирешелер боюнча комитетинин бажы кызматына 174 миң доллар баасында “Нива” маркасындагы 30 автоунааны белекке тапшырды.
АКШнын элчилигинин билдиргенине караганда, алдыдагы иш-чараларда Кыргызстанга жардам иретинде массалык кыргын салуучу куралдарга каршы жабдуулар менен камсыз кылуу каралган. Ошондой эле “Чегаранын коопсуздугу үчүн экспорттук көзөмөл жана чегара коопсуздугу” боюнча программага ылайык, чегара коопсуздугун чыңдоо боюнча техникалык жабдыктардан жардам берилет. Келечекте бул программа боюнча Кыргызстанга бир нече миллион АКШ доллар өлчөмүндөгү жардам көрсөтүлөрү күтүлүүдө.
