БИШКЕК. «Кыргызгаз» акционердик коомунун бүгүнкү маалымдоосуна караганда, «Узтрансгаз» 23-апрелден тарта Ош облусуна газ берүүнү токтотту. Маалыматка караганда, Өзбекстан өзүнүн Ходжабад газ сактоо жайына газ толтуруп жаткандыгына байланыштуу Ош облусуна көгүлтүр от берүү токтотулду. «Кыргызгаздын» жетекчиси Автандил Сыдыков Ош облусуна газ берүү «Кыргызгаздын» «Узтрансгазга» карызына байланыштуу токтогон жок, анткени кыргыз тарап газ үчүн акынынын валюталык бөлүгүн толук төлөп, ал эми товар жана башка материалдык баалуулуктар менен төлөөнү улантууда деп билдирди.
