БИШКЕК. Кыргызстанда 2003-жылы 88 миң үй-бүлө күнүмдүк жашоосун оңдоп, жакырчылыктын деңгээли 2002-жылга салыштырганда 3,6% төмөндөгөн. Анын ичинде Чүйдө жакырчылыктын деңгээли 6%, ал эми Ысыккөлдө 5,6% пайызга кыскарган. Жалпысынан 2002-жылы кыргыз элинин 45% жакырчылыкта жашаса, 2004-жылы мындай көрсөткүч өлкө калкынын 40% түзөт. Бул тууралуу жума күнү өткөн жыйында мамлекет башчы Аскар Акаев маалымды. Өлкөдөгү жакырчылыктын деңгээли тууралуу мындай маалымат көпчүлүк саясатчыларды ынандырбайт. Оппозия өкүлдөрүнүн айтымында, соңку жылдары өлкөдө жакырчылыктын деңгээли төмөндөбөй тескерисинче жогорулоодо.
