БИШКЕК. 2004-2005-жылдарда Борбор Азия өлкөлөрү ички дүң жыйымынын өсүш деңгээли боюнча Азияда алдыңкы орунду камсыз кылат. Бул тууралуу Азия өнүктүрүү банкынын жылдык отчетунда жарыяланды. Аталган банктын иликтөөсүнө караганда, үстүбүздөгү жылы Түркмөнстандын ички дүң жыйымы өткөн жылга салыштырганда 10%, Казакстандыкы 9,5%, Тажикстанда 8%, Өзбекстанда 4,5% ал эми Кыргызстандын ички дүң жыйымы 2004-жылы 4,1%, 2005-жылы 4,5% жогорулайт.
