Европа комиссиясы бүгүн Брюсселден атайын билдирүү жасап, табигый кырсыктардын кесепеттерин жоюу максатында Борбор Азия мамлекеттерине эки жарым миллион доллар жардам көрсөтө турганын жарыялады. Акча өкмөттөргө берилбестен, өтө көлөмдүү эмес долбоорлорду каржылоого жумшалат жана кырсыктардын алдын алуу иштери үчүн жумшалат. Жардамдын басымдүү бөлүгүн Тажикстан алат. Акыркы мезгилде Борбор Азиялык беш жумуриятта ар башка кырсыктардан эки жарым миң адам өлүп, беш жарым миллион киши жапа чекти.
