БАТУМИ. Ажарияда болуп өткөн шайлоо Грузия демократиянын жолуна түшкөндүгүн айгинелейт, деп билдирди АКШ. АКШнын мамдепартаментинин өкүлү Ричард Баучердин айтымында, иш билгилик жана ак ниеттик менен уюштурулган добуш берүү тынч өттү. Анда болоор-болбос гана чекиликтер орун алды. Өлкөнүн Жогорку Кеңешине өткөн шайлоодо "Михаил Саакашвили блогу" жеңишке ээ болду. Ажариянын мурдагы парламенти экс-жетекчи Аслан Абашидзе кызматтан кеткен соң таратылып жиберилген.
