КИЕВ. Украинанын парламенти өлкөнүн аскерлеринин санын кыскартууну чечти. Кабыл алынган мыйзам боюнча, өлкө аскерлеринин саны кеминде 30 пайызга кыскартылат. Жаңы мыйзам өлкөдөгү аскердик реформанын алкагында кабыл алынып, бюджеттик каражаттарды бир топ үнөмдөгөнгө жардам берет. Ошондой эле бул чара НАТОго жана Евробиримдикке кирүүнү самаган өлкөнүн максатына карай адымдоосуна салым кошот. Бирок анын бул уюмдарга кабыл алынышынын ыктымалдуулугу өлкөдө демократиялык жана социалдык реформалардын жүргүзүлүшүнө да жараша болмокчу.
