НАЗРАНЬ. Соңку маалыматтар боюнча 22 июнга караган түнү Назранга жасалган бир катар чабуулдардан набыт кеткен адамдардын саны 75тен 92ге чейин жетет. Ингушетиянын вице-премьери Башир Аушевдин билдиргенине караганда, чабуул жасагандарды издөө иштери учурда улантылууда жана алар Грузиянын аймагында же Чеченстанда жашынып жатышы ыктымал. Орусия президентинин түштүк федералдык округ боюнча атайын өкүлү Владимир Яковлевдин билдиргенине караганда, набыт кеткендердин ичинен 58и күч структураларынын кызматкерлери эле. Согушчандар Ингушетиянын ички иштер министрлигинин жана башка өкмөттүк имараттарга бир нече жерден кол салышкан.
