Бул 24 жылга созулган тыныгуудан кийин жасалып олтурат. Мамлекеттик катчынын жардамчысы Уильям Бернс кечээ Триполиде АКШнын байланыш кеңсесин ачып, Ливиянын лидери Муамар Кадафиге президент Жорж Буштун катын тапшырды. АКШ менен Ливиянын алакасы былтыр жыл соңунда Ливия массалык кыргын салуучу куралдар программасынын үстүнөн иштөөнү токтотууга макул болгон соң оңоло баштаган.
