Буга чейин шаркетке алты ай Ирландия төрагалык кылган эле. Алдыдагы жарым жылга белгиленип жаткан иштердин арасынан Нидерланд премьер-министри Ян Петер Балкененде экономикалык милдеттерди, терроризмге жана мыйзамсыз иммиграцияга каршы күрөштү бөлүп көрсөттү. Нидерланддарга төрагалык мөөнөт ичинде мындан тышкары Түркиянын Евросоюзга мүчө болушу жөнүндө Анкара менен сүйлөшүүлөрдү өткөрүүгө туура келет.
