Кечээ жарыяланган билдирүүдө Европадагы коопсуздук жана кызматташтык уюму (ЕККУ) өз ишинде суверендүү өлкөлөрдүн ички иштерине кийлигишпөө жана мамлекеттик көз карандысыздык сыяктуу түпкү принциптерди бузуп жатат деп айтылат. Россия мындан мурда да ЕККУну адам укуктарынын абалын баалоодо мурдагы СССРдин мамлекеттери менен Батыштын өлкөлөрүнө эки башка чен-өлчөмдөрдү колдонот деп айыптап келген эле. Билдирүүгө Россиядан тышкары Белорусия, Казакстан, Кыргызстан, Молдавия, Тажикстан, Өзбекстан жана Украина кол койгон.
