Иран өкмөтү бүгүн Америка Кошмо Штаттарын күнөөлөп, "Элдик мужахеддиндер" аттуу ирандык уюмду коргоп жатканын сынга алды. Бул уюм Иран өкмөтүнө каршы күрөшөт жана АКШ тарабынан дагы террор уюмдар тизмесине киргизилген. АКШ мамлекеттик катчылыгынын өкүлү Адам Эрелинин айтымында, уюмдун 3800 жоокерине коргоо макамы чындап эле берилген, бирок аны менен алардын террордук аракет жасаганы акталбайт.
