Еврокомиссия Молдовадан өзүнчө бөлүнүп алган Днестр чөлкөмүндөгү бийликтегилер мектептердеги тил проблемасын чечпесе, аларга каршы чара көрүлөөрүн эскертти. Ушул аптада Днестрдин бийликтери чөлкөмдөгү молдован тилинде окуткан эки мектепти жаап салгандан кийин аймакта студенттер менен мугалимдердин нааразылык акциялары өткөн. Ага удаа Молдованын президенти Владимир Воронин мындан ары Днестрдин бийлик өкүлдөрүн саясий өнөктөш катары тааныбай турганын билдирди.
