БИШКЕК. Бүгүн Австриянын билим, илим жана маданият министри баш болгон делегациянын Кыргызстанга болгон иш сапары аяктады. Иш сапардын жыйынтыгы боюнча Кыргызстандын билим берүү министрлигинин аппарат башчысы Чыныбек Ажыбеков маалымат жыйынын өткөрдү. Анын айтымында, Австрия делегациясынын иш сапары учурунда Бишкектеги Курулуш, транспорт жана архитектура университетинде компьютердик технология лык маалымат борбору жана компьютердик технология адистерин даярдоо бөлүмү ачылды. Компьютердик борборду техникалык жабдуулар менен Австрия тарап камсыз кылды. Кыргызстандык айрым универсиетет жетекчилеринини биргелешип иштөө тууралуу сунуштарына, Австрия тарап ушул жылдын күз айларында Кыргызстандык делегациянын Австрияга болгон иш сапарында жооп бере турган болду.
