Европа коопсуздук жана кызматташтык уюму Казакстанда сентябрь айында боло турган парламенттик шайлоодо электрондук добуш берүү системасы киргизилишине тынчсыздануусун билдирди. ЕККУнун элчиси Роберт Барри бул жаңы система Казакстан турмушуна бара–бара киргизилгенде гана элдин ишенимине ээ болорун ырастады. Казакстандагы оппозициячыл партиялар бул жаңы система шайлоодогу бурмалоолорго шарт түзөрүн айтып чыгышкан. Байкоочулардын баамында, 19-сентябрда өтө турган казак парламентинин мажилис палатасына шайлоо курч өтчүдөй. Ар биринин кеминде 50 миңден мүчөсү бар 12 партия бул палатадагы 77 орунду талашат.
