АКШнын чалгындоо кызматтарын реформалоо максатында Конгресс кечээ күнү жаңы мыйзам долбоорун карай баштады. Долбоордун авторлорунун айтымында, өлкөнүн коопсуздук жана чалгындоо кызматтары кансыз согуш доорунда СССРден чыккан коркунучка каршы күрөшүү максатына ылайыкташтырылган жана учурдагы талаптарга жооп бербей калды. 2001-жылдын 11-сентябрында АКШга каршы жасалган террор чабуулдарынын себептерин иликтеген комиссиянын сунуштары дагы эске алынды.
