БИШКЕК. Индиядан 100гө жакын студент Кыргызстандагы эл аралык университеттин жогорку медицина мектебинде билим алышат. Бул тууралуу Меморандумга аталган окуу жайы менен Делидеги Индира Ганди атындагы улуттук университеттин ортосундагы келишимге кол коюлган. Ал Индиянын медицина кеңеши тарабынан жактырылган. Бул жөнүндө бүгүн «Кабар» агенттигинде Эл аралык университеттин ректору Асылбек Айдаралиев маалымдады. Ректор билдиргендей, Индия тарап эл аралык университетти медицина боюнча окуу китептери менен камсыздады жана келечекте медицина тармагындагы азыркы технологиялар менен жабдууга да көмөктөшмөкчү. Индиялык студенттер Бишкектеги окуу жайда англис тилинде окушат.
