БИШКЕК. Премьер-министр Николай Танаев 6-9-октябрда АКШнын Техас штатында жумуш сапар менен болот. Бул тууралуу өкмөттүн эл аралык байланыштар бөлүмүнүн кызматкери Сактан Кадыралиев бүгүн кабарлады. Маалыматка караганда, кыргыз өкмөт башчысы Техас штатынын губернатору Рик Керринин чакыруусу барат жана сапары учурунда эки тараптуу кызматташуу боюнча сүйлөшүүлөр өткөрөт. Анын жыйынтыгы боюнча тараптар өз ара түшүнүшүү боюнча меморандумга кол коюшат. Сапар учурунда Николай Танаев Техас штатынын ишкерлери, компания өкүлдөрү менен жолугушуулар өткөрөт.
