Еврокомисия Түркия менен сүйлөшүүгө шарттуу макул болду

Еврокомиссиянын президенти Романо Проди бүгүн европарламентте мындай деди:

- Жооп ушул, комиссия бүгүн сүйлөшүү баштоонун саясий талаптарына "ооба" деп оң жооп берет. Ошол эле убакта бул жооп Түркиядагы абалды көзөмөлдөп, ага баа берүү боюнча бир катар кеңештер менен коштолот.

Сүйлөшүүнүн качан башталаарын эми Биримдиктин лидерлери декабрдагы саммитинде аныкташы керек.

Мунун алдында Түркиянын өкмөт башчысы Режеп Тайып Эрдоган Европа Биримдиги менен сүйлөшүү создугуп кетпейт деп үмүттөнүп жатканын билдирген.